Tambulig, Zamboanga del Sur – Ang elemento sa kapulisan sa lungsod sa Tambulig nga gipangunahan ni Police Senior Inspector Augustus Rosendo naglusad og manhunt operation batok sa Wanted Person sa Purok 3, Barangay Lower Lodiong, Tambulig, Zamboanga Del Sur alas 9:30 kagahapon sa buntag.
Ang maong operasyon niresulta sa pagkasikop ni Hansil Malicay, 41 anyos ulitawo, Solar Panel Installer ug residente sa Purok 3, Barangay Lower Lodiong, Tambulig, ZamboangaDel Sur.
GI-ARESTO ANG SUSPEK PINASIKAD SA WARRANT OF ARREST NGA GIPAGAWAS NI JAIME CABERTE, PRESIDING JUDGE OF RTC, 9TH JUDICIAL REGION, BRANCH 23, MOLAVE, ZAMBOANGA DEL SUR, SA KASONG PAGLAPAS SA SECTION 10, ARTICLE VI OF RA 7610 SPECIAL PROTECTION OF CHILDREN AGAINST ABUSE, EXPLOITATION AND DISCRIMINATION ACT.
Mobalor sa 80 mil ka pesos ang pyansa nga girekominda sa korte bugti sa temporaryo nga kagawasan sa dinakapan.
