Kasong paglapas sa RA 9165 ang atubangon sa usa ulitawo human kini nasikop sa buy bust operation sa sa mga kapulisan sa Station 3, City Drug Enforcement Unit, ug PDEA 10, alas 7 ang takna kagabie sa may purok Riverside Barangay Sta.Filomena ning dakbayan sa Iligan.
Naila ang suspek nga si Mark Anthony Tagolimot y Tabinas, 25 anyos ug mulopyo sa nasangpit nga Lugar.
Napalitan kini ug usa ka pakete sa gituohang shabu, samtang nakuha sa iyang posisyon ang 7 ka gamayng sachet ug laing usa ka dakong “sako” sa shabu nga motimbang ug 5.7 grams ug dunay estimated market value nga 30 mil ka pesos,.
Nakuha usab gikan sa suspek ang 500 pesos ug usa ka cellphone.
Paslak karon sa selda sa STATION 3 ang maong suspek samtang gihikay na ang kasong ipasaka batok kaniya.
