Davao City- Gitakdang ipatawag sa barangay hall sa Panacan, ang usa ka ulitawo human nagpakita sa iyang kinatawo sa iyang silingang dalaga kagabii sa Panacan syudad sa Davao.
Sumala sa report gikan sa kapolisan sa Sasa, mireklamo ang usa ka dalaga nga ginganlan og alias Annalyn, 26 anyos nga dalaga ug nagpuyo sa Estores Village, Panacan batok sa iyang silingan nga giilang alias Lito, 33 anyos nga ulitawo ug nagpuyo sa susamang lugar.
Matud ni Annalyn alas 12:00 pasado kagabii, mipugos og sulod sa ilang pinuy-anan si Lito nga hubog sa dihang iyang gikompronta ug kalit na lamang kining naghubo sa iyang t-shirt, pantalon ug brief hinungdang nahadlok si Annalyn sa dihang iyang nakita ang dako nga kinatawo nga miresulta sa pagdagan ug nagpatabang sa iyang mga silingan kay basin og unsay himoon kaniya.
Tungod niini, gitakdang husayon sa barangay karong lunes sila si Annalyn ug Lito aron masayran kung unsay hinungdan.
RadyoMan Joel Viray
