LAOAG City – Kas panangselebrar iti World Architecture 2018, naangay iti umuna nga Arkiteach nga indadaulwan iti United Architectures of the Philippines, Divine Word College of Laoag (UAPSA-DWCL) Chapter idi Oktubre 1, 2018.
Daytoy a programa ket naaramat basar iti Batas Pambansa 344 wenno Accessibility Law.
Panggep iti programa nga masursurwan ken patibkeren iti namnama dagiti Persons with Disability wenno PWDs babaen iti panagubra da iti scale models ken house miniatures iti panakitintinnulong met laeng dagiti Architecture students.
Nakipagpaset dagiti nadumaduma nga estudyante manipud iti SPED center iti Ilocos Norte National High School (INNHS) ket naikkanda iti gundaway nga ipakita dagiti talentoda nangnangruna iti Sining.
Daytoy a programa ket naaramid iti pannakitinnulong iti UAPSA-DWCL iti United Architures of the Philippines Laoag City ken United Architectures of the Philippines Graduate Auxillary of Laoag.
