Hugtanong tagpadayag nan bag-ong noinkod isip OIC Chief of Police nan Surigao City Supt. Diomedes Cuadra Jr. na nahimong produktibo an ija una na adlaw kahapon.
Tagtudlo niini, ija panhingusgan an padajon na pagpatuman sa curfew for minors para malikayan na an sunod-sunod na insidente sa paregla lakip isab an Oplan Bantay Siyudad na kon diin lakip na tagdilian an mga hingkod an pangidaron na makit-ang maglaroy-laroy sa kadayanan gikan alas 12:00 sa tungang gabii hangtud alas 4:00 sa kaadlawon.
Dugang pa ni Supt. Cuadra, ija isab palapdan an lakang sa kampanya batok illegal na droga, sugal sanan iban pa. Lakip an pagpadayag nan igo na disiplina sanan sakto na pag-trabaho nan mga kaibanang kapulisan para sa kahapsay ug kalinaw sa Surigao City.
