Nangin madinalag-on kag matawhay ang una nga adlaw sang pilot run sang limited face to face classes sa Nelmida Elementary School sa Brgy. Assumption, Koronadal City, kahapon nga adlaw.
Suno kay Maam Maricel Digu, principal sang Nelmida Elementary School sa 66 ka mga estudyante yara lang sa 63 ang nagsulod tungod sa pag-ulan nga ang tatlo ka mga kabataan nga halin sa malayo nga sitio sang barangay nga wala nakaabot.
Pahayag ni Maam Digu nga memorable ang una nga adlaw kag excited ang mga kabataan, ginikanan kag mga manunudlo sa implementasyon sang limited face to face classes.
Paklaro ni Digu nga subong nga semana ang 66 ka mga estudyante ang magasulod sa klase kag sa masunod nga semana magmodular na naman sila.
Ini agud nga ang second batch naman sang kindergarten tubtob grade 3 nga mga estudyante ang magsulod sa klase.
Nasunod naman suno sa iya ang health protocols kag yara man ang presensya sang barangay health unit sa eskwelahan.
Nagalaum naman si Digu nga mangin tayuyon ang implementasyon sang limited face to face classes sa Nelmida Elementary School.
