90% nga naparalisar ang transportasyon sa una nga adlaw sang nationwide transport strike.
Ini ang ginpahayag ni Edgar Salarda, presidente sang PISTON-Panay angut sa ginlunsar nga transport strike agud pamatukan ang modernization program sang gobyerno sa mga depasahero nga jeep.
Sa bahin naman sang ginhiwat nga transport caravan sang PISTON-Panay, ginpahayag ni Salarda nga nangin madinalag-on man ang ila lihok bilang suporta sa transport strike.
Nagapati si Salarda nga napalab-ot nila sa Presidente ang ila mensahe batuk sa modernisasyon nga ginaduso sang LTFRB.
Samtang sa pagpadayon sang transprt strike buwas nga adlaw, ginpahayag ni Salarda nga wala na sila sang hiwaton nga aktibidad kundi ang makigsapol na lamang sa nagkalain-lain nga transprt groups agud planuhan ang masunod pa nga mga tikang sa palaabuton.
