General Santos City—Nahimong hapsay ug malinawon ang unang adlaw sa pagsaulog sa adlaw sa mga minatay sa pinakadako nga pribadong sementeryo sa syudad nga mao ang Forest Lake kung diin luyo paman sa bagang duot sa katawhan nga mibisita sa ilahang minahal sa kinabuhi nga mipanaw na sa laing kalibutan nahimo gihapong han-ay ug malinawon kini.
Sumala pa ni PCI Renato Salarda ang hepe sa Police Station 2 ug ground commander sa mga pulis nga gibutang sa maong sementeryo nga nahimong organisado ang mga tao nga mibisita sa ilahang mga minatay ug nasayud na kung unsa ang mga bawal nga dal-on sa sementeryo hinungdan nga wala silay nakumpiska nga mga gibawal nga mga butang.
Samtang bisan paman sa katraffic sa mga sakyanan nahimo matud pa gihapon kining han-ay tungod usab sa tabang sa mga force multiplier nga gatabang kanila.
Daku usab matud pang tabang ang nahimong information dissemination sa media ug sa PCR sa matag police station aron ma edukar ang mga katawhan. (Dave Silagan)
