General Santos City— Hapsay ug malinawon ang unang adlaw sa pag-abli sa klase sa dakbayan, kini ang gibutyag ni Police Senior Inspector Davis Dulawan, tigpamaba sa Gensan City Police Office.
Sumala niya nga mukabat sa kapin 300 ka mga personahe sa kapulisan ang gipakatag sa tanang pampublikong tunghaan sa dakbayan aron nga masigurong walay kakulian nga mahitabo.
Lakip matud pa sa mga gipang-deploy mao ang mga kapulisan gikan sa walo ka mga presinto sa dakbayan.
Dugang pamahayag ni PSI Dulawan nga dili lang sa unang adlaw sa klase ipang-deploy angmga nsangpit nga mga pulis kundili magpabilin sila sa mga tunghan aron sa paghatag ug assistance sa mga estudyante hilabi na sa hapon.
Gawas matud pa sa mga pampublokong tunghaan, nakatakda usab silang magdeploy ug mga personahe alang sa umaabot nga pag-abli sa klase sa mga pribadong tunghaan.
