General Santos City—Nahimong hapsay ang dagan sa unang adlaw sa klase sa syudad sa Gensan, kagahapong adlawa, mao kini ang nahimong pamahayag ni Mario Bermudez ang Assistant School Division Superintendent sa Dep-ed Gensan.
Sumala niini nga sayu palang sa buntag milibot kini uban ni Deped Regional Director Allan Farnazo aron nga pangunahan ang pag-abri sa klase kung asa wala matud pa silay nakitang mga kakulian.
Dugang pa niini nga gilayon usab nga naka proceed sa unang lesson ang mga maestra sa unang adlaw sa eskwela ingon man tanan nga mga classroom ang na prepara na para sa mga estudyante.
Dugang pa ni Bermudez nga gawas sa mga late enrollees sa matag eskwelahan nga gilayon man usab nasulusyonan wala na silay nakitang mitumaw nga problema sa unang adlaw sa klase.
Maingon man usab niini nga nahimong nagmalinawon ang unang adlaw sa klase pinaagi na usab sa tabang sa mga pulis ug force multiplier nga nibantay palibot sa matag eskwelahan.
Samtang wala man usab matud pa nawala ang sa unang adlaw sa klase ang mga bata nga anaa sa kinder ug sa grade 1 ang dili mubiya sa ilahang mga ginikanan apan nahimuan man usab ug pamaagi sa mga maestra sa matag eskwelahan. (Dave Silagan)
