Davao City – Nagmalampuson ang pag-arangkada sa sabayang patak kontra polio sa dakbayan sa Davao kagahapong adlawa, Lunes, October 14, 2019.
Nasayran nga aron dili na mamahimong lisod sa mga tawo, door to door vaccination ang gihimo sa mga mga personahe sa Department of Health (DOH)-XI kauban ang City Health Office (CHO), Barangay Health workers, Red Cross ug uban pang volunteers.
Nasayran nga gitarget sa DOH nga kapin dos mil nga mga bata sa syudad sa Davao ingon man sa Davao del Sur ang mabakunahan.
Ang unang hugna sa pagbakuna nagsugod kagahapong adlawa ug mulungtad hangtud sa Oktubre 27, 2019.
Abri usab ang mga health centers sa dakbayan bisan sa weekend alang niadtong buot magpabakuna.
Naka schedule usab ang laing hugna sa pagbakuna sa bulan sa Nobyembre ug Disyembre karon nga tuig aron hingpit nga mabatukan ang polio viral infection.
RadyoMaN Kirby Manzon
