Labangan, Zamboanga del Sur – Gitudlo sa 1st Infantry (TABAK) Division ang usa ka babaye nga opisyal nga maoy mangulo sa battalion ug bag-ong intelligence chief atol sa Joint Change of Command ug Chief of Office ceremony nga gipahigayon niadtong martes.
Si Lt. Col. Janet Laurena maona karon ang nagmando sa Headquarters Service Battalion nga maoy nipuli ni Lt. Col. Norberto Agbay nga karon mao ang acting chief sa Governance and Strategy Management Office sa 1ID.
Si Laurena miyembro sa Officer Candidate Course Class of 1997.
Ang maong opisyal gradwado sa Command and General Staff Course (CGSC) Class 63-2018 ug Masters in Public Management Major in Development and Security, nga usa sa kwalipikasyon ug gikinahanglan sa posisyon nga iyang gidawat karon.
Atol sa iyang mensahe, gipasalamatan niya ang nisalig sa iyang katakus sa pagtawag kaniya ingon Battalion Commander sa Headquarters Service Battalion sa 1st ID.
Nasayran nga ang Headquarters Service Battalion maoy in-charge sa camp administration, security ug personnel support sa 1ID.
Gitambagan ni Brig. Gen. Generoso “Gene” Ponio, Commander sa 1ID nga maoy presiding officer, ang bag-ong natudlo nga batalyon nga komandante ug hepe sa opisina nga ipakita ang kadasig ug dedikasyon sa paghimo sa katungdanan sa pagpatuman sa mga inisyatibo ug adbokasiya sa gobyerno.
Photo Courtesy: 1st Infantry (Tabak) Division
