Nakaabot na sa Mindanao ang African Swine Fever (ASF).
Kini human magpositibo sa ASF ang anaa sa 1,000 nga patay sa baboy sa lungsod sa Don Marcelino sa Davao Occidental.
Kini ang pinakaunang kumpirmadong kaso sa ASF sa rehiyon.
Kalabot niini gimando sa , lokal nga panggamhanan sa Don Marcelino nga paganahon ang Regional Animal Disease Task Force batok sa ASF.
Gibawal na usab ang pagbiyahe ug mga alagang baboy ug karne niini pasulod ug pagawas sa maong munisipalidad.
Magpahigayon na sab ug animal quarantine checkpoints sa lugar.
September 2019 dihang nakatala ug pinakaunang kaso sa African Swine Fever sa nasud partikular sa Luzon.
Sumala sa Department of Agriculture – ang local outbreak sa ASF gumikan matud pa sa smuggled pork products gikan sa nasud China.
