Unang kaso sa bird flu natala sa Davao region

Davao City – Gikabalak-an karon sa Dabawenyos ang unang kaso sa Avian Influenza H5N1 o Bird Flu nga natala sa Barangay San Isidro, Magsaysay, Davao del Sur human gikumpirma sa Local Government Unit (LGU) Magsaysay.

Nabalaka ang Dabawenyo nga si Lonnalyn Mirafuentes, basin og magkulang ang suplay sa manok ug mutaas ang presyo niini ug ang ubang karne.

Gibutyag sa Magsaysay Municipal Agriculturist nga si Helen Carampatana, base sa resulta gikan sa Department of Agrculture (DA), nagpositibo sa maong sakit ang blood sample gikan sa usa ka itik nga gikan sa nahisgutang barangay.

“By Saturday, we immediately proceeded to the area with DA-Regulatory Division and Provincial Veterinary Office and on Sunday we had a depopulation of 3,008 ducks,” butyag ni Carampatana.

Gilayon usab nga gi-activate ang required quarantine procedures sa tanang borders ug pag-mobilize sa Barangay Health Emergency Response Teams (BHERTs) ingon man ang paghatag og assistance sa LGU sa pagpatuman sa Avian Influenza prevention program.

RadyoMaN Kirby Manzon