Natala niadtong nakalabay’ng adlaw sa lungsod sa Manticao, Misamis Oriental ang unang kaso sa pagkatamay sa pasyente tungod sa COVID-19.
Matud ni Dr. Christie Marie. Officer-in-charge sa Municipal Health Office-Manticao, 70 anyos ang lalaki nga pasyente nga unang gidala sa Misamis Oriental Provincial Hospital sa Manticao niadtong Marso 14, tungod sa iyang mga simtomas.
Nanakit ang kalawasan sa pasyente ug nalipong, nanakit ang iyang ulo ug naglisod sa pag-istorya.
Marso 15, nakasinati ang pasyente og cardio-pulmonary arrest apan natabang kini apan gidala pa gihapon sa Northern Mindanao Medical Center sa Cagayan de Oro City.
Gipailawom sa swab-test ang pasyente ug nasuta nga positibo kini sa COVID-19.
Ang pasyente maoy ika-17 nga kaso sa local transmission sa Manticao ug ika-25 nga kaso sa COVID-19 sukad pagsugod sa pandemya niadtong nakalabay’ng tuig. (Divina M Suson)
