*General Santos City— Gidagsa sa mga negosyante ang unang adlaw sa renewal sa business permit nga nagsugod karong adlawa, Enero 2 nga mulungtad hangtud sa Enero 20.*
*Sumala kang Geraldine Zamora, labaw sa city permits and licensing office nga gidugok na sa katawhan ang unang adlaw sa renewal kung asa adunay mga minor nga problema ang ilahang na-encounter, apan ilaha na kining napangitaan ug pamaagi.*
*Mas daghan matud pa ang nagparenew sa unang adlaw sa renewal karon nga tuig kung itandi sa milabay’ng tuig. Dugang pamahayag ni Zamora nga gilaumang mukabat sa kapin 9mil nga mga business ang ilang ma-release hangtud sa Enero 20.*
*Saysay niya nga anaa na tanan sa investment center ang tanang ahensya sa gobyerno nga gikinahanglan aron nga ma-process ang mga business permit.*
*Samtang gibutyag niya nga tanang mga nagosyo nga mikuha ug permit human ang January, dili pa kinahanglan nga magpa-renew gumikana dunay bag-ong balaud nga kung unsa nga bulan nagkuha ug permit, mao usab nga bulan kinahanglan nga magpa-renew.*
*Nanawagan man usab si Zamora sa tanang mga negosyante nga i-proseso na ang ilahang mga business permit ayha mahuman ang enero 20 aron nga malikay sa unsa mang multa.*
*Sa tanan matud pa nga nagkuha ug business permit milabay’ng enero 2019, kinahanglan nga mag-proseso na sa ilahang mga permitamtang sa mga nakakuha ug permit sa tunga-tunga sa tuig, mamahimo gihapon nilang dawaton ang application for renewal.*
