Unano nga gin-akusahan attempted rape, nagdepensa nga sya ‘agi’

492

BACOLOD CITY – Desidido karon nga magpasaka sang kaso ang iloy sang bata nga babayi batuk sa isa ka “midget” ukon unano nga nagtuyo maglugos sa amo nga biktima kahapon diri sa ciudad sang Bacolod.

Ang suspek, isa ka 32-anyos nga lalaki, pumuluyo sang isa ka barangay diri sa Bacolod, samtang, ang biktima naman, isa ka 6-anyos nga bata nga babayi, residente man sang ciudad.

Suno sa iloy sang biktima nga gindala sang suspek ang iya bata sa Reclamation Area kag didto gintuyo nga luguson ang biktima.

Apesar nga gin-ako sang suspek nga nag-upod sa iya ang bata bangud ginhatagan niya ini sang kwarta, ginapanginwala naman niya ang akusasyon kag nagsiling nga iya gid lamang ginkugos kag ginhakus ang bata.

Pahayag pa sang suspek nga indi niya “type” ang babayi bangud ang gusto niya lalaki kon diin gin-ako sini nga isa siya ka agi ukon “gay.”

Sa karon detained na sa custodial facility sang Police Station ang suspek./dyHB BACOLOD

Facebook Comments