Generally peaceful ang pag-obserba sa Kalag-kalag 2019 sa Bukidnon. Sa interview sa RMN Malaybalay ngadto kang Police Major Silvestre Asiong, ang spokesperson ug hepe sa Provincial Investigation and Management Division sa Bukidnon Police Provincial Office gibutyag niini nga nakab-ot sa kapolisan ang sobra kahapsay nga pag-obserbar sa adlaw sa mga santos ug kalag sa probinsya sa Bukidnon.
Kini human walay natala nga bisan unsa nga dugu-ong hitabo nga dunay kalambigitan sa maong kalihukan niadtong Nobyembre 1 ug 2.
Matud ni Major Asiong nga minimal lang usab ang mga hait nga hinagiban ang ilang nakumpiska gikan sa mga nagkadaiyang sam-ang.
Nasayran nga may mga gipadala pa nga inspection teams si PRO-10 regional director Brig Gen Rolando Anduyan sa probinsya pagsiguro nga masunod ang security implementation sa Oplan Undas 2019.
Sa karon bisan pa man nga nahuman na ang kalag-kalag, padayon nga naka-alerto ang kapulisan sa bisan unsa mang hulga sa seguridad ilabina sa armadong grupong NPA.
