Davao City – Bisan og kapin pa sa bulan apan hinay-hinay nang gipangandaman ang Undas kun kalag-kalag karong bulan sa Nobyembre labi na sa mga nagdumala sa Davao City Overland Transport Terminal (DCOTT).
Sa interbyu sa DXDC RMN Davao kang Aiza Yusop, DCOTT head gibutyag niini nga nagpahigayon na sila og panagpulong labi na sa mga dagkong bus companies nga mubiyahe sa maong panahon aron masigurong ma-cater ang dagsa sa mga pasahero.
Gawas sa igong bus, gipaniguro usab ni Yusop nga mamahimong hapsay ug luwas ang biyahe pinaagi sa pagsiguro nga maayo ang kondisyon sa mga drivers diin ilahang ipailawom sa drug test ang nahisgutan.
“Actually ginahimo ni nato kining drug test diri sa atoa kung naa ba gyud sila sa maayong kondisyon. According sa tulo ka mga big bus companies nga atong gipatawag, ilaha gyud nang pagabuhaton. In fact, they are planning again nga magbutang sila sa atong terminal og medical team,” saysay ni Yusop.
Samtang gipaniguro usab sa DCOTT manager nga magmontar sila og special lane alang sa mga person with disabilities (PWDs), senior citizens ug mga nagsabak aron malikayan ang insidente labi na sa dagsa sa mga biyahero.
RadyoMaN Kirby Manzon
