UNDER THE STATE OF CALAMITY | Banwa sang Panit-an, ginpaidalom sa state of calamity bangud sang malapnagon nga pagbaha tuga sang Bagyong Agaton

CAPIZ – Ginpaidalom na sa state of Calamity ang banwa sang Panit-an matapos nga ginbaha ang 26 ka mgg kabarangayan nga sakop sini.
Naglab-ot man sa 416 ka mga pamilya ang naapekuhan kun sa diin nagapabilin ang mga ini sa mga evacuation centers.
Nahibaluan nga halos ginbaha ang mga hulumayan sang nasambit nga banwa.
Ang pagpaidalom sa state of calamity sa banwa sang Panit-an ang aprubado sang Sangguniang Bayan kag pyermado ni Mayor Ruso Derramas.
Nagbisita man kaina sa nasambit nga banwa si Capiz Governor Antonio del Rosario agud hibaluon ang mga kinahanglanon sang mga apektado sang baha.
*Photo Credits: Capiz Aksyon News Center*

Facebook Comments