General Santos City—Gikumperma sa City Environment and Natural Resources Office kon CENRO nga magpahigayon ug under water assessment sa baybayong bahin sa Queen, Tuna Park human nga misadsad ang usa ka Vietnamese Cargo Ship sa maong lugar alas 12:30 sa udto kagahapong adlawa
Sumala ni Katherine Betco, Environmental Specialist 2 sa CENRO Gensan nga kaorng buntag magpahigayon ug Scuba diving ang mga divers gikan sa Protected Area Management Board (PAMB) aron sutaon kung dunay mga coral reef nga nangadaot gumikan sa pagkasadsad sa maong cargo Ship.
Dugang pagbutyag ni Katherine Betco nga higayon adunay mga damyos sa mga coral reef sa maong lugar, dinhi na sila maghimo ug rekomendasyon.
Posibling manubag matud pa ang nanag-iya sa cargo ship higayon dunay nangaguba nga coral reef. Nasayran nga adunay mga gipangbutang nga mga artificial coral reef dome sa maong lugar.
