Sarangani Province–Nahimong bisita na usab sa Kapitolyo sa Sarangani niagi lang adlaw nga Byernes si Undersecretary Reynaldo Mapagu sa Department of National Defense aron hisgutan ang mga updates sa nagpadayon nga programa sa gobyerno may kabahin sa mga kanhing rebelde isip sya ang gituboy ni Pangulong Rodrigo Duterte nga maoy chairman sa Task Force Balik-Loob.
Napatyan man og tulo (3) ka myembro ang kapulisan human sa nahitabong ambush sa gikatahapan nga mga myembro sa NPA didto sa lalawigan sa Camarines Sur, Bicol Region adlaw nga Hwebes, apan dili kini makapaundang sa gobyerno sa pagpang-engganyo sa buot nang magbag-o sa ilang mga kinabuhi kauban ang ilang mga pamilya.
Nakadayig si Undersecretary Mapagu ngadto kang Sarangani Governor Steve Chiongbian Solon tungod sa gipatuman nga “good governance.” Walay rason matud pa nga aduna pay mu-rebelde kung aduna ray saktong dinal-an sa mga katawhan ang lokal nga gobyerno makita unang-una sa gipatuman nga mga programa og proyekto sa mga kabukiran. Dugay na matud pa silang mag-amigo ni Governor Solon tuig 2009 pa kadtong sya ang nagdala sa 10th Infantry Division sa Philippine Army naka-basi kaniadto sa Davao City.
