Davao City – Dungan sa paspas nga paglambo sa teknolohiya sa komunikasyon, ni-level up na usab ang mga binuang nga ginahimo sa ginatawag nga mga scammers. Usa na niini ang investment scams. Sama sa pagsaad to double your money in 30 days.
Unsa ba ang Ponzi Scheme? Ang Ponzi Scheme naggikan kang Charles Ponzi nga usa ka Italian swindler. Nahimong ilado si Ponzi sa swindling niadto pang tuig 1920 sa North America sa iyang money-making scheme kun pagpangbiktima sa isig katawo pinaagi sa pagpangilad. Diin hangtud karon, anaa gihapon ang maong modus o sistema sa pagpangilad. Sa maong sistema, saaran ang kliyente og 50% nga ginansya sulod sa 45 diyas o kaha 100 sulod sa 90 diyas. Diin sa kasamtangang panahon, miabot na sumala pa sa 400% ang itubo sa giingong i-invest nga kwarta diha sa investment company sulod lamang sa usa ka bulan.
Sagad, gina meet-up ang usa ka biktima og gina-orient sa oportunidad nga mahaw-as sa kalisod diin ang uban aduna usay ginapakita nga daw proweba sama sa pagbaton og nindot nga balay ug sakyanan tungod sa kwartang nadawat sa investment.
Matud pa sa usa ka financial adviser, nga dili legit ang usa ka investment o business kung nagsaad kini og high returns apan way risgong kauban. Wala usab sumala pay legal nga investment nga double your money sulod lamang sa usa ka bulan. Maong adunay offer nga susama niini, ayaw na paminaw tungod kay kini usa ka scam.
RadyoMaN Kirby Manzon
