Davao City – Wala matugutang makasulod sa Davao City ang mga binuhing baboy ug mga karneng walay dokumentos.
Sumala ni Task Force Davao Commander Col. Consolito Yecla nga nitabang ang kasundaluhan sa City Veterinarian’s Office (CVO) sa pag-inspeksyon subay sa gipakusgang kampanya kontra African Swine Fever sa Davao.
Gipresenta kagahapon sa Task Force Davao ang resulta sa gipahigayong joint ASF checkpoints sa City Government of Davao gikan Setyembre 19-23 atol sa conference sa Eastern Mindanao Command ug Department of Agriculture XI.
Sa Sirawan Checkpoint, sa 211 ka mga gipang-inspeksyong adunay mga swines, 42 niini ang wala makasulod sa Davao tungod wala kiniy mga dokumentos.
Sagad naggikan ang mga baboy sa Sta. Cruz, Catigan, General Santos City, Sulapi, Padada ug Digos City.
Samtang, sa Lasang ug Lacson checkpoints walay naharang nga mga swines.
Matud ni Yecla adunay 65 ka mga personahe sa Task Force Davao nga gi-orient aron mutabang sa City Vet atol sa 24/7 nga inspeksyon.
Gisiguro sa militar nga mutamak ang tanang mga pasahero sa gimuntar nga mga footbaths.
RadyoMaN Aimee Guinita
