Davao City- Gibutyag sa usa ka National Economist nga laumang aduna’y daghang oportunidad o trabaho ang mag-abri panahon sa holiday nga mao’y makatabang sa pagkunhod sa unemployment rate sa Pilipinas.
Sa bag-uhay lamang nga datos sa Philippine Statistics Authority (PSA), nisaka matud pa ang porsyento sa mga Pilipinong wala’y trabaho sa bulan sa Setyembre 2023 kung itandi niadtong Agosto.
Apan, dako ang pagtuo sa pipila ka mga National Economists nga daghang maghanyag og trabaho ilabi na nga duol na ang pasko sama sa mga hotels and accommodations ug mga kan-anan tungod laumang mudagsa ang mga tawo aron mag Christmas vacation.
Komento sa mga netizens ug sa usa ka Derek Palanca, tinuod nga aduna’y daghang oportunidad gikan sa Oktubre hangtod musulod ang Disyembre apan subo nilang giakanayon nga temporaryo lang kini ug pag-abot sa Enero, balik na sab nga wala’y trabaho ang daghang mga Pilipino.
RadyoMaN Ivy Parido
Facebook Comments
