Nagakabalaka ang United Nations Children’s Fund ukon UNICEF Philippines sa epekto sang away kontra droga sang Gobyerno sa mga kabataan.
Base sa statement nga ginpagwa sang UNICEF Philippines, dapat mapat-od kag mapasabat ang mga responsable sa pagpatay kag pagpanakit sa mga kabataan.
Suno pa sa UNICEF, may obligasyon ang Pilipinas nga legal kag moral agud amligan kag protektahan ang mga bata.
Nagakasubo ang UNICEF sa pagkapatay sang 17 anyos nga si Kian Delos Santos sa ginhiwat nga drug raid sa Caloocan City.
Nakigbahin man ang UNICEF sa panawagan para sa patas nga imbestigasyon natuhoy sa insidente.
Facebook Comments
