Davao City- Nailhan na ang usa ka unidentified body nga nagpabilin sa SPMC atol sa nahitabong sunog sa NCCC Mall of Davao niadtong Disyembre 23.
Atol sa nahitabong media press briefing ganinang buntag, miingon si Davao City Mayor Inday Sara Duterte nga gipailawom na sa cross matching ang maong lawas ug nailhan nga lalaki ang maong patay’ng lawas.
Kahinumduman nga usa ka lawas ang wala pa na identify ug gituhoan nga mao kini si Mikko Demafeliz o bin ba kaha si Alexandra Moreno ug gabii nakompirma sa usa ka antropologist nga lalaki ang maong lawas hinungdan nga sa pagkakaron si Moreno ang ginapangita sa mga awtoridad sulod sa maong mall.
“So we called an anthropologist… Richard Taduran, to assist NBI and SOCO and it was determined that the body was male, so pwede na siya i-release sa family ni Mikko Demafeliz. We have 1 missing si Alexandra Moreno, and there are 3 teams from the Davao City Police Office conducting parallel investigation and naga continue ang efforts sa atoang Bureau of Fire in coordination with the Davao City Police Office to exhaust all means para ma-locate si Alexandra Moreno,” segun sa Mayor.
Sa pikas bahin gikanayon sa mayor nga dili na kini mag labot-labot sa imbestigasyon sa maong insidente human adunay nigawas nga mga hungihong nga dili kini angay muimbestigar gumikan endorser kini sa NCCC.
“The only thing ngano nag offer ko for the City government to be part of that team because building plans go through Office of the Building Official (OBO) and 911 was one of the responders so kung ingon ana lang man diay nga makakita siya og bias on my part then bahala na ang investigating team kung unsa man ang ilang desisyon, kung tawagon man nila ang OBO or 911 it’s really up to them, but no more talk of investigations coming through our office”
Hinuon gitino sa mayor nga kung aduna man kini gikinahanglan nga inpormasyon gikan sa ilang opisina andam nila kini ihatag ilabi na kung makatabang kini sa kalamboan sa imbestigasyon sa maong insidente.
RadyoMaN Abi Bibera
