Davao City – Gidasig karon sa usa ka counselor ang katawhan ilabi na ang mga ginakanan nga magpakabana sa mga tawong adunay simptomas na sa depresyon.
Atol sa interbyu kang Norma Gaston, usa ka psychotherapist sa Haggai Institute, sa tulumanong ‘Straight to the Point’ uban si RadyoMaN June Duterte, giingon niini nga aron makatabang kinahanglan una masayod sa unsaon pag-ila sa mga aduna nay warning signs.
Saysay ni Gaston nga pipila dinhi mao ang pagkawala og interes sa mga kanunay ginabuhat ug nagahatag og kalipay sa usa ka tawo ingon man ang paghawa sa usa ka grupo ug gusto na lamang mag-inusara.
“Especially at home, dapat sensitive ang mga kasama sa bahay – magulang, kapatid for these signal. Yung nagkukulong sa kwarto, ayaw makipag-usap, ayaw kumain, these are warning signs,” segun niini.
Gipasabot niini nga ang suicide usa ka lakang aron maundang ang dili makaya nga kasakit kun ‘unbearable anguish,’ gikan sa kaulaw kun ‘guilt feeling’, kasayop ug walay kasulbaran sa problema.
Gani gi-awhag niini ang publiko nga hatagan og atensyon ug dili balewalaon ang mga tawo nga nagpabuhagay nga aduna silay sugilanon sa ilang kinabuhi.
RadyoMaN Jason Amisola
