CAUAYAN CITY – TINALAKAY NG SANGGUNIANG PANLUNGSOD NG CAUAYAN ANG PANUKALA NA MAGKAROON NG UNIFIED PROTOCOL SA PAGRE-REPORT NG MGA KASO NG HAND, FOOT AND MOUTH DISEASE (HFMD) SA LUNGSOD, KASUNOD NG NAITALANG MGA KASO NGAYONG TAON.
BATAY SA DATOS NG CAUAYAN CITY HEALTH OFFICE II, UMABOT NA SA 29 ANG KABUUANG NAITALANG KASO NG HFMD MULA ENERO HANGGANG SETYEMBRE 2025. SA NATURANG BILANG, 11 ANG NAKUMPIRMANG POSITIBO MATAPOS ANG PAGSUSURI NG RESEARCH INSTITUTE FOR TROPICAL MEDICINE (RITM).
AYON KAY DR. MARY KRISTIN V. ABOGADO-PURUGGANAN, KARANIWANG SINTOMAS NG SAKIT ANG LAGNAT, SINGAW (CANKER SORES), PANANAKIT NG LALAMUNAN, AT MGA BLISTERS SA KAMAY AT PAA. MAAARI RIN ITONG MAIPASA SA PAMAMAGITAN NG PAGDAMPI SA MATA, ILONG, O BIBIG, AT SA EXPOSURE MULA SA LAWAY NG TAONG MAY HFMD, GAYA NG PAG-UBO, PAGBAHING, O PAGSASALITA.
SA SESYON, IMINUNGKAHI NI COUNCILOR TELESFORO MALLILLIN NA BUMUO ANG CITY HEALTH OFFICE NG ISANG COMMON PROTOCOL BATAY SA PAMANTAYAN NG DEPARTMENT OF HEALTH (DOH). TARGET NITO ANG PAGKAKAROON NG IISANG FORMAT SA PAGTATALA, DATA GATHERING, AT PAGMOMONITOR NG TREND NG MGA NAKAKAHAWANG SAKIT SA CAUAYAN.
KASAMA RIN SA PLANO ANG PAKIKIPAGPULONG SA ISANG EPIDEMIOLOGIST SA SUSUNOD NA LINGGO UPANG MA-CRAFT ANG PROTOCOL AT MAPAGSAMA-SAMA ANG MGA UMIIRAL NA GUIDELINES MULA SA IBA’T IBANG OPISINA. MAGKAKAROON DIN NG STANDARDIZED TEMPLATE AT REPORTING FORMAT PARA SA MAS MABILIS AT MAS ORGANISADONG HEALTH RESPONSE NG LUNGSOD.
LAYUNIN NG NATURANG HAKBANG NA MASIGURO ANG MAAGAP NA PAGTUKOY AT PAGRESPONDE SA MGA KASO NG HFMD AT IBA PANG INFECTIOUS DISEASES, UPANG MAPROTEKTAHAN ANG KALUSUGAN NG PUBLIKO LALO NA ANG MGA BATA NA MADALAS TAMAAN NG NATURANG SAKIT.
