Sumala sa biktima, pinaagi sa iyang uploaded video, wala sila masayod kon kanus-a nahitabo ang insidente, gumikan bag-o pa lamang sila nakabalik gikan sa bakasyon sukad niadtong Pasko.
Dugang pa, bisan ang mga grills sa sulod sa ilang balay usab adunay agi nga gilungkab.
Wala sab mapugngi sa uploader nga mabalaka sa kahimtangan sa seguridad sa ilang lugar, ilabi na sa giingong kulang og saktong pagbantay. Tungod niini, iyang gipangayo ang dugang nga pagmatngon sa mga silingan ug nanawagan sa tanang residente nga bantayan pag-ayo ang ilang mga panimalay, ilabi na kon biyaan kini sa dugay nga panahon.
Hinuon, na-report na kini sa otoridad ug naglusad na sab og imbestigasyon ang kapulisan aron matino ang responsable sa insidente ug masuta kon adunay mga butang nga nangawala.
RadyoMaN Kareen Beltran
