Davao City – Tabangan nato ang gobyerno sa tanang mga lakang nga gihimo niini aron masumpo ang pagkuyanap sa 2019 novel coronavirus nga nisi-aw karong panahona.
Sumala ni John Tria, Davao City Chamber of Commerce and Industry Inc.,(DCCCII) President, hagit karon ngadto sa mga negosyante dinhi nga motuman sa gipatumang mga lakang karon sa lokal nga panggamhanan kontra sa maong balatian aron malikayan ug dili magdugay ang pagkuyanap ning maong balatian aron dili modaku og maayo ang epekto nga masinatian sa ekonomiya sa dakbayan ug sa nasud.
Samtang gipasabot usab ni Tria nga angayang ipatuman ang price freeze regulation aron ma-kontrolar sa gobyerno ang kalit unya nga pagtaas sa mga presyo sa mga basic needs tungod sa Wuhan coronavirus scare.
RadyoMan Bernard Pantallon
