Ipahigayon ugmang adlawa ang unity walk, peace rally ug covenant signing atol sa pagsugod sa election period sa Commission on Elections o COMELEC.
Ang kalihukan pasiugdahan sa COMELEC ug Police Regional Office 10.
Matud ni Cagayan de Oro City Police Office kon COCPO Spokesperson, Police Supt. Mardy Hortillosa nga ang unity walk magsugod sa alas sais sa buntag gikan sa Rotonda paingon sa Kiosko Kagawasan, Divisoria ning syudad.
Human sa unity walk isunod gilayon ang peace rally / interfaith prayer ug covenant signing alang sa mga kandidato.
Gipasabot ni Supt. Hortillosa nga tumong sa kalihokan nga masigurong magmalampuson, malinawon ug matinud-anon ang eleksiyon sa Mayo 2019.
Alayon niini, giaghat sa COCPO ang mga pulitiko, stakeholders sama sa Dedped, CHED, uban pang ahensya sa gobyerno ug ang katawhan nga mosalmot sa maong kalihukan.
