Davao City – Sa tinguha nga tabangan ang mga kabus kinsa nagbaguod og bayad sa mga bayrunon sa ospital ug uban pang panginahanglanon medikal giduso ang Universal Health Care Bill sa nasud isip usa ka balaud.
Nagpahigayon si Sen. JV Ejercito chair sa Senate Committee on Health and Demography kinsa author niini uban Sen. Sonny Angara ang chair sa Senate Committee on Ways and means and finance og public hearing dinhi sa lungsod karong adlawa aron ipahibalo ang mas halapad nga prebilihiyong medikal nga makuha sa tanan niining gilaraw nga balaudnon.
Matud ni Ejercito buot nilang mapasar kini karong tuiga.
Nipadangat sa ilang mga reaksyon ang pipila ka mga opisyal nga nitambong sama nila Vice Mayor Bernard Al-ag, Councilor Joselle Villafuerte, City Health Office head Josephine Villafuerte, ComVal Governor Tyrone Uy ug uban pa.
Nagtoo si Ejercito nga sama sa gipangandoy ni Presidente Rodrigo Duterte, matunol gayod nila kining mga benepisyo sa Universal Health Coverage/ Care sa kada Pilipinong nanginahanglan og garantisadong serbisyo.
RadyoMaN Aimee Guinita
