Liwat nga nakasulod ang University of the Philippines ukon UP sa Top 100 Universities sa Asya subong nga 2019 base sa bag-o lang naguwa nga “Times Higher Education Asia University Rankings.
Sa nasambit nga listahan, naguwa nga ika-95 ang UP sa “pinaka-maayo” nga Unibersidad gikan sa halos 400 ka Unibersidad sa Asya nga gin-ranggo sang organisasyon.
Samtang, yara man karon sa ika 251 tubtub 300 nga ranggo ang De La Salle University.
Humalin pa sang 2017, nagaguwa sa THE rankings sang Asya ang UP apang ini ang pinakauna nga kahigayunan nga nakasulod ini sa top 100.
Naglumpat ang UP sang 61 ka puwesto pataas subong nga tuig gikan sa ika-156 sini nga puwesto sang 2018.
Sang October 2018, nakasulod naman ang UP sa top 600 sang 2019 THE World University rankings.
Nagapanguna sa listahan ang Tsinghua University sang China sa influential university rankings.
Ini ang una nga bes nga nakuha sang nasambit nga Unibersidad ang top post matapos malampasan ang University of Singapore
Yara sa ikatlo nga puwesto ang Hongkong University of Science and Technology nga ginsundan sa 4th place sang University of Hongkong.
Samtang, Japan naman ang “most represented” nga pungsod sa listahan nga nakakuha sang 103 ka institutions nga mas mataas sa 89 sang 2018.
