Naaresto ang unlicensed dentist sa ginpatigayon nga entrapment operation sang CIDG South Cotabato, Koronadal CPS kag representante sang Philippine Dental Association South Cotabato Chapter sa Antipolo St., Purok Bayanihan, Brgy. Zone 2, Koronadal City, South Cotabato, alas 11:40 kahapon sang aga, Abril 20, 2021.
Ginpatigayon ang operasyon, matapos nga nakabaton sang impormasyon ang mga operating team angot sa illegal practice of dentistry sa nasambit nga lugar kag reklamo.
Sa nasambit nga operasyon nagresulta ini sang pagkaaresto ni Paz Magluyan Lopez , 64 years old, may-asawa kag residente sang nasambit nga lugar nga nadakpan sa akto nga nagapatigayon illegal dental operations sa sulod sang iya balay nga nagaserbi nga klinika sini.
Narekober sa posisyon kag kontrol sini ang mga nagkalain-lain nga gamit sa illegal dental operations.
Gindala naman ang nasambit nga persona sa CIDG PFU South Cotabato kag kaso nga pagbayolar sa R.A. 9484 ukon PDA Act of 2007 (Illegal Practice of Dentistry) ang ipasaka batok sa iya.
