Sakpan sa akto ang unom ka mga indibidwal nga nagdula og baraha atol sa gipahigayong anti-gambling operation sa mga personahe sa Malaybalay City Police Station pasado alas 10:46 kagabie didto sa Purok-8, Barangay Sumpong, ning dakbayan.
Giila ang mga dinakpan nga silang Jonel Ignacio, 43 anyos, ulitawo nga residente sa naasoy nga lugar, Ally Jane Arong, 26 anyos, dalaga, Michelle Sumontao, 33 anyos, dalaga, Mae Claire Garing, 28 anyos, Mercy Bahilar, 53 anyos, minyo, ug si Shankamaica Rabago, ug pulos mulopyo sa maong barangay.
Nakompiska gikan sa mga suspek ang usa ka set sa baraha, ug kwartang gisugal nga mukabat sa P1,312.00 sa nagkadaiyang denominasyon.
Gibalhog na karon sa Malaybalay City Police Station ang mga dinakpang suspek nga mag-atubang sa paglapas sa RA 9287 kon ang Anti-Gambling Law.
Facebook Comments
