Guipos, Zamboanga del Sur – Moabot sa 6 ka Barangay sa lungsod sa Guipos ning probinsya sa Zamboanga del Sur ang gideklara usab nga drug cleared pinaagi sa Regional Oversight Committee on Barangay Drug Clearing Program ning bag-o lang.
Atol sa deklarasyon nitambong ug nisaksi ang ang opisyales sa maong lungsod ug mga sakop sa Municipal Anti-Drug Abuse Council kun ( MADAC) ug Barangay Anti-Drug Abuse Council kun ( BADAC) members.
Lakip nga nitambong ang tinugyanan sa PDEA, DILG ug DOH.
Ang unom ka Barangay sa lungsod ang deklarado na nga drug cleared mao ang Lintom, Litan, Sikatuna, Singclot, Magting ug Dacsol.
Kini nagpasabot nga limpyo na sa illegal nga druga ang maong unom ka Barangay sa municipyo sa Guipos.
Base sa Section 8 sa DDB Regulation No. 3, series of 2017, nakapasar ang nahisgutan nga barangay sa mga basehan nga wala nay’drug supply, transshipment activities, drug laboratory ug warehouse, chemical warehouse, marijuana cultivation site, drug den, drug pusher, protector, financier ug mga user.
Alayon niini gihatagan og certificate ang mga opesyalis sa nahisgutan nga Barangay.
