Davao City – Arestado ang unom ka mga indbidwal atol sa gilusad nila nga anti-illegal gambling operation sa Toril PNP ug San Pedro PNP.
Gipangdakop sa Toril PNP ang lima ka mga indibidwal human kini naabtan nga nagadawat og kwarta gikan sa patad sa mga manulaay.
Ang mga dinakpan mao sila si Diomarie Sab Vicente, 31 anyos, Jukiet Estrellado, 30 anyos, Mel Ann Cabangal, 29 anyos, Jocelyn Vios Sta Monica, 43 anyos ug si Aileen Baldo Abendan, 21 anyos.
.
Nakuha gikan sa mga suspek ang mga last two paraphernalia ug bet money nga mokantIdad og dul an 1,000 pesos.
Samtang giaresto usab sa kapolisan sa San Pedro ang usa ka usher nga nagpataya og last two nga mao si Ruel Casinillo, 52 anyos nga taga Kasilak Barangay 76-A syudad sa Davao.
Nakuha pa gikan sa iyang posisyon ang usa ka winning number combination 4 digits,6 digits,ug swertres lakip nakompiska sa kapolisan ang bet money nga mukantidad og kapin dul-an 400.00 pesos, duha ka ballpen, 20 ka buok nga stub ug lima ka improvise tally sheet.
Ang mga dinakpan balhug na sa prioshan ug mag atubang og kasong kalapasan sa RA 9287 kun Anti-Illegal Gambling.
RadyoMaN Don Pulayao/Paul Canono
