Babaye gi-harass ug gihulga nga patyon

12

Davao City – Midangop sa kapolisan sa Tugbok ang usa ka babae human kini gi-hulga sa usa ka hubog sa iyang panimalay sa Purok 23 Sto.Niño Tugbok ning syudad.

Ang biktima mao si Juliet Cabigas Dizon nagpangidaron og 23 anyos.

Sumala pa sa complainant bandang alas 5 :00 sa kahaponon samtang anaa kini sulod sa iyang panimalay kuyog iyang minor de edad nga anak kalit misulong sa ilang panimalay si alyas Lolong ug gibato ang ilang balay ug nanghasi nga patyon siya sa respondent apil iyang anak.

Sa kahadalok sa complainant dali siyang midangop sa buhatan sa kapolisan sa Tugbok ug iyang gireklamo ang maong suspek.

Sa pagrespondesa kapolisan wala na ngadto sa nahisgutan nga lugar ang respondent ug ang kaso gi refer una ngadto sa barangay level.

RadyoMaN Paul Canono

Facebook Comments