Unom ka mga sugarol nga naaktuhang nagpahigayon ug tari-tari, gisikop sa otoridad

49

San Miguel, Zamboanga del Sur – Taliwala sa gipatumang Enhanced Community Quarantine dinhi sa probinsya, nga nagbawal sa illegal nga sugal partikyular ang tari sa manok, unom ka mga sugarol lakip na ang usa ka senior citizen ang naaktuhan sa otoridad nga nagpahigayon ug tari-tari kaniadtong byernes sa hapon didto sa Purok 3, Barangay Ocapan, San Miguel, Zamboanga Del Sur.
Naghugpong ang kapulisan sa San Miguel kauban ang 4th platoon, 2nd company, Zamboanga del Sur Provincial Mobile Force Company ug ang Guipos PNP sa pagsikop sa unom ka mga indibidwal.
Duha sa mga nadakpan pulos taga Barangay Ocapan, San Miguel nga nailang si Pacinciano Alipi Lapaz, 65 anyos, ug Joseph Begondo Ang-Og, 41 anyos.
Dakpan usab ang upat ka mga sugarol nga sila si Ejay Ejercito Casusi, 42 anyos, Raymond Pangati Camado, 23 anyos, Roy Maata Sarmiento, 38 anyos ug Macario Flores Cartalla, 55 anyos, pulos mga lumulupyo sa Barangay Dalapan, Guipos, ning probinsya.
Nakumpiska atol sa operasyon ang duha ka mga manok igtalari ug ang usa ka bulang.
Mag-atubang sa kasong illegal gambling ang unom ka mga dinakpan.


Facebook Comments