Unom ka tawo nagrambol

Davao City – Mireklamo sa San Pedro PNP ang usa ka negosyante nga si Grace Cabisa Makalwa, 24 anyos sa dihang nag riot ang duha ka mga grupo sa kalalakin-an sulod sa iyang tindahan.

Sumala pa nga bandang alas 12:05 kaganinang kadlawon, nag abot ang duha ka grupo nga puros hubog sa ilang tindahan nga diha nahimutang sa dalang Bonifacio ning syudad sa Davao.

Kalit kunong nagrambol ang duha ka mga grupo ug gipangbuak ang mga bangko ug lamesa ug gipanglabay ang mga botelya sa beer diin gibana-banaang 20,000 ka pesos ang damyos.


Dali nanawag ug pakitabang sa San Pedro PNP ang complainant ug gipang sikop ang mga nagriot nga mga kalalakin-an.

Sa karon, balhog na sa prisohan ang unom ka mga tawo.

RadyoMaN Paul Canono

Facebook Comments