Duna bakay gipanguyaban?
Sure gyud ka nga nakagusto ka sa iyaha og seryoso ka?
Kabalo baka sa imohang buhaton?
Ania ang mga butang nga makatabang sa imoha unsaon pagpanguyab sa us aka babae.
1. Kalma lang og dili magdali-dali, step by step lang ang himoun og dili dapat dali dalion ang tubag sa usa ka babae.
2. Ila-ilaha siya og lantawa og pangutan’a ang iyahang gusto og dili gusto.
3. Mag-effort ka og ipakita sa iyaha nga seryoso ka sa imohang tumong nga makuha ang iyahang gugma.
4. Stick to one lang ka sa pagpanguyab, kung siya gyud ang imohang gusto imoha gyud nga paningkamotan nga makuha ang iyang tubag. Ang pagpanguyab dili mura og raffle draw, kung daghan kag entries dako kag posibilidad nga makadaug.
5. Ayaw pag-ulaw ulaw kung manguyab ka o magpa torpe-torpe dapat duna kay kaisog nga atubangon ang imohang gibanguyaban o gang imohang gibati. Pero magsalin pod ka para sa imohang sarili og ayaw ihatag ang tanan.
6. Dili pa nimo padugayon pa og imohang ingna deritso ang imohang gipanguyaban sa imohang tinoud nga gibati. Ayaw pag-atik-atik og ayaw iagi og jamming ang tanan.
7. Ayaw panghambog nga datu o magpahalata nga dato ka, tungod dili ganahan ang mga babae anang ing’ana nga klase sa lalake.
8. Dili mag assume kung sweet o sige siyag gunit sa imoha, wala ka kabalo basi og ing’ana ragyud siya nga pagka-babae.
9. Tinud’anay ka sa imohang gibati og labi na sa imohang sarili. Ayaw pagpa atik-atik sa us aka butang nga dili nimo batasan.
10. Padayun gihapon og ayaw bag-oha ang imohang batasan kung dili man ka niya sugton, kung tinuod gyud ka nga nahigugma dili mabag-o imong gibati sa iyaha.
Nindot og lami ang paminaw kung ang tao nga imohang nagustuhan o ang taong dugay na nimong pangandoy kay duna poy gusto, mutual mo sa inyong gibati.
Halos walay kabut’ngan ang kalipay kung makuha na nimo ang iyahang nindot nga “Oo”.
Kung nahigugma ka sa usa ka tao, buhata ang tanan.
Usahay wala ta kasigurado kung sugton ba o dili apan ipakita lang sa iyaha nga seryoso ka og dili nimo siya biyaan nga imoha siyang ampingan, siya lang og walay nay lain.
Apan mga idol, duna pa ba kay nahibal’an, i-comment lang kana sa baba.
Para sa Tip Ni Luningning ug uban pa, paminawa ang programang “YOU & i” 9pm-12mn sa 93.9 iFM Davao.
