Davao City – Giklaro ni Davao City Mayor Sara Duterte-Carpio, kinahanglang bakunado batok Coronavirus Disease 2019 (COVID-19), ang mga magtutudlo ug personahe sa eskwelahan panahon nga itugot na ang face-to-face (F2F) classes sa syudad sa Davao.
Matud sa alkalde (sa interbyu sa city-owned radio), dili niini itugot sa tulunghaan ang mga magtutudlo o personahe nga wala nabakunahan aron maprotektahan ang mga estudyante sama sa gihimo sa ubang nasud nga gibalik na ang operasyon sa klase.
“We will not allow unvaccinated teaching and non teaching personnel dinha sa school nga mag face-to-face (classes),” tataw sa mayor.
Gibutyag ni Mayor Sara nga sa pinakaulahing inpormasyon gikan sa Department of Education (DepEd), sa 13,000 teaching and non teaching personnel sa dakbayan anaa na lamang sa 1,000 ang wala nagpabakuna.
Giawhag usab ni Duterte-Carpio, ang DepEd nga ipailawom sa counseling ang nahibiling wala nagpabakuna.
Gisalig na usab sa mga opisyal sa DepEd kung unsa ang guidelines niini panahon sa pag-pilot test sa F2F classes sa dakbayan sa Davao.
RadyoMaN Kirby Manzon
