Umakyat ang University of the Philippines (UP) sa ika-65 pwesto sa 2020 Times Higher Education (THE) Asia University Rankings.
Malaki ang inangat ng UP mula sa 95th place noong nakaraang taon.
Nagkaroon ng improvement ang UP ngayong taon sa kanilang citation (86.9 points) at industry income (39.4 points).
Ang UP ay nakapasok sa university rankings mula pa nitong 2017 at nakapasok sa top 100 noong 2019.
Ang mga criteria sa rankings ay teaching, research, citations, international outlook at industry income.
Ang Tsinghua University sa China ang hinirang na Asia’s Finest kasunod ang Peking University at National University sa Singapore.
Nakuha naman ng University of Hong Kong at Hong Kong University of Science and Technology ang ika-apat at ikalimang pwesto.
