Davao City – Upat ka mga tigpayuhot og iligal nga droga ang nasikop sa kapulisan sa San Pedro ug Sta. Ana atol sa gipahigayong drug buy bust operation sa managlahing lugar sa syudad.
Sa report gikan sa Sta. Ana PNP arestado mao sila si Bernardo Amandoron Jr., 38 anyos nga nagpuyo sa Km. 13 Zone 2, Panacan ning syudad, Fernando Magunot alyas Jong, 31 anyos nga taga Km. 9 Old Airport Road Sasa ning siyudad ug laing usa ka Anthony Dela Cruz, hingkod ang edad.
Atol sa gilusad nga buy bust operation narekober sa kapolisan gikan sa posisyon nila Amanduron ug Magunot ang duha ka sachet sa gituohang shabu samtang nakuha sa posisyon ni dela Cruz ang duha ka sachet sa gituohang shabu nga adunay estimated value nga 3,000.00 pesos.
Samtang sa San Pedro PNP naaresto ang usa ka Donald Apale alyas Choy, 35 anyos nagpuyo sa Purok 5, Seawall Bucana Barangay 76-A ning syudad human gisilbi sa kapolisan ang search warrant. Sa dihang girekisa iyang pinuy-anan nakuha sa mga police ang usa ka black pouch nga gisulod sa cabinet nga adunay unom ka sachet nga gituohang shabu nga gibanabanaang mukantidad og 9,000.00 pesos.
Ang mga dinakpan balhug na sa prisohan ug mag atubang kini og kasong kalapasan sa RA 9165 kon Comprehensive Dangerous Drugs Act of 2002.
RadyoMaN Don Pulayao
