Labangan, Zamboanga del Sur – Upat ka dagkong sakyanan nga gigamit sa illegal quarrying ang nasapon sa gikasa nga operation sa kapulisan sa lungsod sa Labangan didtong dapita sa Purok Lawag, Barangay Tawagan Norte, Labangan, Zamboanga del Sur alas 11:00 kagahapon.
Ang PNP Labangan nga gitahasan sa Mines and Geosciences Bureau (MGB) nilusad og police operation batok Illegal Quarrying diin nakumpiska ang upat ka mga dagkong sakyanan nga gilangkuban sa usa ka Unit Isuzu Forward Truck, color puti ug nagtangag sa plaka numero YGU-935, gimaneho ni Dean Baterna Sabado, 42 anyus ug rehistrado sa pangalan ni Alexander Tumala, negosyante ug lumulupyo sa Urro Street, Brgy. San Francisco ning syudad.
Naharang usab ang usa ka Unit Hino Ranger High Side Dump Truck, color blue, nagtangag sa plaka numero MGF-443 gimaneho ni Rey Ranera Dots, 44 anyos, residente Brgy. Purok 1, Brgy Sta. Cruz, Labangan ug rehistrado sa pangalan ni Alexander Tumala, negosyante ug residente sa Urro street, San Francisco District, Pagadian City.
Nasapon usab ang usa ka Unit Fuso Fighter Dump Truck, color puti, nagtangag sa plaka numero RML-382, gimaneho ni Nestor Muños Dinglasa, 54 anyos residente sa Brgy. Sto. Niño, Pagadian City ug rehistrado sa pangalan ni Alexander Tumala, residente sa Urro street, Brgy. San Francisco ning dakbayan.
Gikumpiska usab ang us aka Unit Isuzu Elf Mini Dump truck, color green, gipanag-iyahan ni Edwin Martinez residente Alta Tierra, Brgy Napolan, Pagadian City ug gimaneho ni Jimboy Tilawan Pantalan.
Caught on the spot ang maong mga sakyanan nga kargado sa bala sa mismong quarry site nga gipanag-iyahan ni Emmanuel Cagampang aka “Jojo Cagampang” sa Purok Lawag, Tawagan Norte, Labangan, Zamboanga del Sur.
Ang mga nakumpiska nga sakyanan gikustodiya sa Labangan Municipal Police Station samtang naghulat sa resulta sa dugang imbestigasyon.
