Pagadian City – Nakatala lang og upat ka bag-ong kaso sa Coronavirus Disease sa tibuok probinsya sa sumala sa Integrated Provincial Health Office -(IPHO) Zamboanga del Sur .
Ang upat ka bag-ong natalang kaso sa Covid-19 gikan Margosatubig, duha sa Sominot nga pulos Locally Stranded Individuals ug usa ka Authorize Person Outside Residence kun APOR nga taga- Labangan.
Nagpositibo sa maong virus ang duha ka pasyente nga taga Sominot nga 52-anyos nga lalaki ug 3-anyos nga batang lalaki nga taga-purok Paglaum, Poblacion, Sominot, nga nakauli gikan sa Talipapa, Quezon City niadtong Agusto 23, 2020.
Ang maong mga pasyente gipahiluna na sa Municipal Isolation Unit ug pulos kini asymptomatic kun walay gibati nga sintomas.
Natakbuyan usab sa Covid-19 ang 32 nga babaye nga taga- Purok Macopa Uno, Lumbog, Margosatubig, Zamboanga del Sur nga nakaabot gikan San Juan City niadtong August 22, 2020. Anaa karon gi-quarantine sa iyang pinuy-anan ug gikatakda nga ibalhin sa isolation facility.
Nataptan usab sa maong virus ang 35 nga lalaki nga APOR nga temporaryong nagpuyo sa Upper Pulacan, Labangan, nga bag-o lang nakaabot gikan Taguig City niadtong Agosto 21, 2020 busa gipapundo una kini s temporary isolation unit sa iyang ahensya.
Kini ang hinungdan nga ang active cases nisaka na usab sa lima ka pasyente nga anaa sa isolation facilities.
Bisan paman sa ubos nga kaso sa probinsya ang kadagkoan sa Local Inter Agency Task Force mipahinumdom nga kinahanglang magmatngon ug dili gihapon mokompiyansa ang mga tawo ilabi na sa padayong pagsunod sa gimando nga minimum health standards.
