Labangan, Zamboanga del Sur – Kasong paglapas sa Presidential Decree 449 kun Cockfighting Law of 1974 ang gi-atubang karon sa upat ka mga lalaki nga nadakpan sa gilusad nga operasyon sa kapulisan sa lungsod sa Labangan batok sa Illegal tari-tari ug sugal.
Alas 3:20 PM gisupresa sa otoridad ang mga sugarol nga nagtapok sa Purok Banawag, Barangay Tawagan Norte, Labangan, Zamboanga Del Sur.
Wala maka-ikyas ang upat ka mga suspek nga nailang sila si Romualdo Manos, 58 anyos, minyo ug residente sa Barangay Balimbingan, Benjamin Maghanoy , 55 anyos, mulupyo sa Barangay Binayan, : Bryan Rivera , 34 anyos residente sa Barangay Tawagan Norte, Napoleon Macutay, 58 anyos, taga Barangay Balangasan, Pagadian City.
Nkumpiska gikan sa posisyon sa mga suspek ang pito ka mga manok nga pang-tari ug sugal nga mobalor sa P7,360.00
Ang mga dinakpan gipaslak na selda sa Labangan Municipal Police Station lock-up cell.
