Upat ka patay’ng lawas sa NPA nga napatay sa engkwentro, na-turn over na sa LGU-Talakag

Na-turn-over na sa militar ngadto sa Local Government Unit (LGU)-Talakag ang upat ka mga patay nga lawas nga naghupot og taas nga posisyon sa New Peoples Army (NPA) nga napatay sa engkwentro niadtong Miyerkules sa gabie sa Barangay Tikalaan, Talakag, Bukidnon.

Mahinumduman nga na-engkwentro sa 1st Special Forces Battalion ang Communist Terrorist Group nga nagresulta sa pagka-rekober sa 16 ka mga tag-as nga mga armas ug pagkapatay sa upat ka mga high ranking officials sa NPA.

Sa interview sa RMN ngadto kang BGen. Ferdinand Barandon, ang commander sa 403rd brigade, gibutyag niini nga naturn-over na usab sa kasundaluhan ngadto sa kapulisan ang mga narekober nga mga armas nga gilangkuban sa 16 high-powered firearms (HPFAs), diin pito ang (7) M16 Rifles, usa ang (1) M203 Grenade Launcher, duha ang (2) R4 Carbine Rifles, usa ang (1) M653 Rifle, tulo ang (3) M1 Garand Rifles, usa ang (1) AK47 Rifle ug usa ang (1) M14 Rifle.

Nasayran nga apil sa mga namatay nga mga high-ranking leaders, nga nailing sila si Carlisio D. Sumalinog, Jovilito D. Pontillas, Gary I. Juliana, ug Jelly A. Sugnot .

Nagtoo usab si Gen. Barandon nga dakong kawad-on kini sa grupo sa mga NPA.