Davao City – Sikop sa Philippine Drugs Enforcement Agency kun PDEA11 ang upat ka mga drug pusher human gisilbi ang search warrant alas 6:50 sa kagabhion sa Purok Manga Barangay Sto.Niño Panabo City.Davao Del Norte.
Subay sa report gikan sa PDEA11 mga dinakpan naila sa pangalang Robie Ablen alyas Kokoy, 32 anyos usa ka vendor, Justine Mae Montargo, Fe Isidro Gatchalian ug laing usa ka Michael Presciosa hingkod ang edad nga parehong nagpuyo sa nasangpit nga lugar.
Sa dihang gi-serve ang search warrant ngadto sa mga suspek narekober sa ilang posisyon ang duha ka sachet nga gituohang shabu nga mutimbang og 10.4863 grams nga mukantidad og 120,000.00 lakip nakuha ang assorted drug paraphernalia.
Ang mga dinakpan balhug na sa detention cell sa PDEA11 ug gipaylan na og kaso ngadto sa prosecutor’s office sa kasong kalapasan sa RA 9165 kon Comprehensive Dangerous Drugs Act of 2002.
RadyoMaN Don Pulayao
